ვარსკვლავური გზა: ვოიაჯერი (ინგლ. Star Trek: Voyager)

ვარსკვლავური გზა: ვოიაჯერი (ინგლ. Star Trek: Voyager) — სამეცნიერო ფანტასტიკური ტელესერიალი, რომლის მოქმედება მიმდინარეობს „ვარსკვლავური გზის“ სამყაროში. ავტორები — რიკ ბერმანი, მაიკლ პილერი და ჯერი ტეილორი. სერიალი შედგება შვიდი სეზონისგან (172 სერია). მოქმედება მიმდინარეობს 2371—2377 წლებში. 2371 წელს ვარსკვლავური ფლოტის ხომალდი „USS Voyager NCC-74656“ იღებს პირველ დავალებას - იპოვოს ტერორისტული ორგანიზაცია „მაკის“ (ინგლ. Maquis) ხომალდი. დევნის დროს ორივე ხომალდი მოხვდება კოსმოსურ ანომალიაში და მოხვდება დელტა კვადრანტში, 70 ათასი სინათლის წლის მანძილზე დედამიწიდან. მათ თავს ესხმის ადგილობრივი რასა - კეიზონები, მაკის ხომალდი განადგურდება. ორივე ხომალდის ეკიპაჟი გაერთიანდება „ვოიაჟერზე“ და ერთად ცდილობენ სახლში დაბრუნებას. გზაში ისინი აკეთებენ უამრავ აღმოჩენას და ხვდებიან ახალ რასებს, უწევთ ბრძოლა სხვადასხვა მტრებთან. მოგზაურობა სრულდება 2377 წელს, „ვოიაჯერის“ დედამიწაზე დაბრუნებით.